MANILA, Philippines — Napaslang ang dalawang preso habang nakaposas na ihahatid sana sa kulungan napatay ng kanilang mga police escorts matapos na umano’y mang-agaw ng baril habang ibinibiyahe sa Brgy. Sinai, Laguindingan, Misamis Oriental kamakalawa ng hapon.
Kinilala ang mga napatay na suspek na sina Richard Manda at Mikee Abellana, kapwa nasa hustong gulang at residente rin ng naturang lugar.
Ang mga suspek ay inaresto dahil sa pagkakasangkot umano sa shootout sa isang police checkpoint sa Libertad, Misamis Oriental noong Lunes na ikinamatay ng pulis na si P/SSG Ronald Caayupan at isa pang suspek na si Jephone Tinamisan.
Batay sa ulat ng pulisya, dakong alas-3:30 ng hapon, sakay ng police vehicle ang dalawang suspek galing ng bayan ng Libertad at dadalhin na sana sa Misamis Oriental Provincial Jail nang bigla umano silang mang-agaw ng baril sa kanilang mga escort pagdating sa highway ng Brgy. Sinai, Laguindingan.