Pinay sa Hong Kong inilagay sa quarantine
Na-expose sa 2 bisita ng amo na positibo sa coronavirus...
MANILA, Philippines — Isinailalim sa quarantine ang isang Pinay domestic helper sa Hong Kong matapos na ma-expose sa dalawang bisita ng kanyang amo na positibo sa coronavirus.
Ito ang inihayag ng kahapon ng Philippine Consulate sa Hong Kong.
Subalit, sinabi ng consulado na walang nakikita na anumang palatandaan na ang Pinay ay mayroon nang impeksyon ng nasabing sakit at nasa malusog itong pangangatawan.
Siniguro naman ng PCG (Philippine Consulate General) na sila ay laging makikipag ugnayan sa HK Department of Health at imomonitor ang kondisyon at mabigyan ng tulong kung kinakailangan ang Pinay.
Umaasa ang konsulado na ang Pinay ay mananatiling malusog at makalabas na sa quarantine.
Batay sa Philippine consulate na nasa 238,000 Filipino ang nasa Hong Kong simula pa noong October 2019 at ang 219,000 naman ay domestic workers at nasa 20,000 ay mga residente na.
Pansamantalang isinara ang sikat na amusement parks na Disneyland at Ocean Park upang maiwasan ang pagkalat ng bagong strain ng virus na nagmula sa Wuhan, China noong nakalipas na buwan.
- Latest