Pagbasura sa VFA ni Duterte, ‘di dapat ikabahala

MANILA, Philippines — Wala anyang dapat ikabahala ang publiko sa naging desisyon ni Pa­ngulong Rodrigo Duterte na ibasura ang Visiting Forces Agreement (VFA).

Ito ang inihayag ni Presidential Spokesman Salvador Panelo dahil tuloy pa rin naman ang alyansa ng Pilipinas at US.

Ayon kay Panelo, hindi naman gaya ng VFA, hindi ibabasura ng pangulo ang Enhanced Defense Cooperation Agreement (EDCA), mutual logistics and service agreement, military assistance agreement at ang mutual defense treaty.

Wika ni Panelo na na­ging kapaki-pakinabang lamang sa Amerika ang VFA dahil ang mga Ame­rikanong sundalo ang na­bigyan ng pribilehiyo.

Inihalimbawa ni Pa­nelo na sa ilalim ng VFA, kapag may nagawang krimen ang Amerikaong sundalo, walang hurisdiksyon ang Pilipinas hanggat hindi ito nagkaroon ng litigant importance gaya nang naging kaso noon ni Corporal Daniel Smith na nadawit sa panggagahasa sa Subic, Zambalaes noong 2005. Sinabi pa ng spokesman ng Pangulo na hindi rin maapektuhan ang kampanya ng pamahalaan kontra sa terorismo kahit wala na ang VFA dahil malakas pa rin naman ang puwersang militar.