MANILA, Philippines — Binalaan kahapon ni CALABARZON Police Director Brig. Gen. Vicente Danao Jr., si Talisay, Batangas Vice Mayor Charlie Natanauan na tumahimik na lang at huwag nang kumbinsihin ang kanyang mga kababayan na magsibalik sa kanilang mga bahay dahil kung hindi ay iaalay niya ito sa Bulkang Taal.
Sinabi ni Danao na mananagot si Natanauan sa batas kapag may nangyaring masama sa mga residente kung sakaling may makinig dito at mapahamak sa pagputok ng bulkan.
Pinakiusapan na lang ni Danao si Natanauan na tumulong na lang at huwag nang mag-udyok sa mga residente na bumalik sa kanilang mga bahay.
“Kapag bumalik ang mga ’yan (mga tao) at may nangyaring masama, pag-inabot kitang buhay (Vice Mayor Natanauan), iaalay kita sa Bulkang Taal,” babala ni Danao.
Magugunita na unang kinuwestiyon ni Natanauan si Phivolcs Director Renato Solidum kung ito ay Diyos dahilan sa prediksyon nito sa nakaambang malakas at mapanganib na pagsabog ng Bulkang Taal at
Inihayag ng opisyal na nauunawaan naman niya na sobrang stress ang bise alkalde matapos na maapektuhan ang bayan nito sa phreatic explosion ng Taal volcano noong Enero 12 pero hindi nito dapat ilagay sa peligro.