124 Pinoy, 29 Chinese timbog sa pagawaan ng pekeng sigarilyo
MANILA, Philippines — Tinatayang 153 katao kabilang ang 29 undocumented Chinese nationals ang naaresto ng mga otoridad nang salakayin ang pagawaan ng pekeng branded ng sigarilyo kamakalawa sa Brgy. Sinipit, Cabiao, Nueva Ecija.
Sa report na ipinalabas ni Central Luzon Police Director Brig. General Rhodel Sermonia, kinumpiska ang tiglimang linya ng cigarette maker at packing machine, dalawang grinders, isang filter maker at maraming kaha para sa mga pinekeng branded na sigarilyo na may kabuuang isang bilyong piso ang halaga.
Ang mga inaresto ay kinasuhan ng paglabag sa intellectual property rights habang isinailalim din sa pagsisiyasat ng Bureau of Immigration ang mga Chinese na nagpapatakbo sa pabrika.
Matatandaan na natimbog ng mga otoridad ang ilang Chinese nationals sa Cauayan City, Isabela na may balak magtayo ng kaparehong pabrika noong nakaraang taon na hindi nakasuhan dahil hindi pa naman nagsimulang mag-operate ang pabrika.
- Latest
