Grab dapat may kalaban

MANILA, Philippines — “Dapat magkaroon ng kalaban ang Grab”.

Ito ang sinabi ni Sen. Imee Marcos na dahil sa monopolyo nito sa kasalukuyan at dapat silipin din ng LTFRB ang mataas na singil sa kanilang pasahero.

“Totoo ’yan kasi ang mga staff ko sa senate 720 one way, grabe ubos sahod mo sa Grab kahit share pa ’yan talagang saksakan ng mahal tapos ang dami pang ‘di uma-appear na driver, ano ba ’yan, palibhasa iisa sila, ’yung iba nag-aangkas kaso ang angkas hanggang Dec 31,” wika pa ni Marcos.

“Napakahirap naman nito, nakakainis, sana may ibang pumasok ’yung iba raw binigyan ng permit pero ’di pa nag-ooperate kaya walang kalaban si Grab,” dagdag ni Marcos.

Aniya, the best kung may competition at dapat ireport sa LTFRB kasi sumusobra na ang Grab dahil wala kang choice.