MANILA, Philippines — “Kung wala na ring kaligayahan ‘yung buhay mo, wala ka na rin magawa, buti pa mamatay ka”.
Ito ang sinabi kahapon ni Pangulong Duterte sa exclusive interview ng Unang Hirit na titigil lamang siya sa pagmomotorsiklo kapag patay na siya.
Sinabi pa ng Pangulo na ang gusto niyang matanggap na regalo ngayong Pasko ay motorsiklo pa din.
“Kung puwede sana motor,” sagot ng Pangulo nang tanungin nina Arnold Clavio at Susan Enriquez kung ano ang gustong regalo nitong matanggap ngayong Pasko.
Sa kabila ng aksidente nito sa motorsiklo noong October sa Malacañang Park matapos siyang sumemplang ay muli itong nagmotorsiklo makaraan ang isang linggo kasama si Sen. Bong Go.
Inamin din ng 74-anyos na Pangulo na tuwing umaga ay may stretching exercise ito upang maging healthy ang kanyang mga joints.