Pinay worker sa Cambodia timbog sa P40.8 milyong shabu sa NAIA
MANILA, Philippines — Nadakip kahapon ang isang Pinay sa Ninoy Aquino International Airport (NAIA) matapos siyang makuhanan ng 6 kilo ng shabu sa kaniyang bagahe.
Batay sa ulat, kahapon ng madaling araw nang salubungin ng mga tauhan ng Bureau of Customs (BOC) at Philippine Drug Enforcement Agency (PDEA) ang suspek na si Marie Ruzol nang lumapag sa NAIA terminal 3 mula Cambodia.
Nakasilid sa mga tea foil pack ang droga na aabot sa P40.8 milyon ang halaga.
“When it was subjected to x-ray scanning, our operatives found suspected items. It was subjected to 100 percent physical examination. These items were found,” ani Atty. Marlon Agaceta, law division chief ng BOC-NAIA.Nabatid na Nobyembre 5 nang umalis ng Pilipinas papuntang Cambodia si Ruzol, 8 taong nagtatrabaho bilang account manager sa isang advertising agency sa Cambodia.
Ayon kay Ruzol, isang kapwa Pinay din umano ang nag-empake ng kaniyang gamit pero hindi ito sumama pauwi ng bansa.
Sinampahan na ng reklamong paglabag sa Comprehensive Dangerous Drugs Act at Customs Modernization and Tariff Act ang suspek.
- Latest