MANILA, Philippines — Tiniyak ni Justice Sec. Menardo Guevarra na hindi na muling mauulit ang kontroberisyal na “good conduct time allowance” law at ang makikinabang ay ’yun lamang karapat-dapat na preso.
Ang pahayag ng kalihim ay sa gitna nang pagpapatupad sa bagong Implementing Rules and Regulations (IRR) ng GCTA o Republic Act 10592 sa susunod na linggo.
Anya, magiging tama na ang pagkuwenta ng BuCor sa GCTA ng mga bilanggo na dapat makalaya.
Mahigpit ang paalala ni Guevarra na hindi kasama ang mga nasentensiyahan sa karumal-dumal na krimen o heinous crime sa listahan ng mga PDL na nakalinya para sa GCTA.
Inamin ni Guevarra na naging malaya noon ang BuCor dahil sa BuCor law, kaya hindi masyadong natutukan ng DOJ.
Babantayan din ang mga opisyal at empleyado sa kanilang posisyon at pakikihalo-bilo sa mga preso upang maiwasan na maging pamilyar ang mga ito sa isa’t isa.