Pulis pinatay sa lamay
MANILA, Philippines — Malapitang binaril sa ulo ang isang aktibong pulis habang ito ay nakaupo sa isang lamayan sa Taguig City, kamakalawa ng gabi.
Ang biktima na namatay noon din ay nakilalang si Patrolman Ralph Aquino, 31, may-asawa, nakatalaga sa Taguig City Police Community Precinct 8 at nakatira sa Laura Drive, Ronggavilla Village, Brgy. Bagumbayan ng lungsod.
Sa imbestigasyon, bago naganap ang krimen dakong alas-10:00 ng gabi sa isang lamayan sa may Paso Street, Old Cemetery ay sinundo ang biktima ng isang kaibigan na si alyas Toto sa isang bahay sa No. 173 ML Quezon Street, Brgy. Bagumbayan at sabay na nagtungo sa nasabing lamay.
Habang nakaupo ang biktima ay lumapit sa kanyang likuran ang suspek at walang sabi-sabing binaril siya sa ulo na dahilan ng agad niyang kamatayan. Tumakas agad ang suspek.
- Latest