MANILA, Philippines — Bulagta ang dalawang sinasabing kilabot na ‘tulak’ ng droga matapos umanong manlaban sa mga otoridad sa isinagawang drug-bust operation sa Talisay City, Cebu nitong Sabado ng madaling araw.
Sa inisyal na ulat ng Talisay City Police, kasalukuyan pang inaalam ang pagkakakilanlan sa mga napatay na suspek.
Ayon sa Talisay City Police, dakong alas-4:00 ng madaling araw nang ikasa ang operasyon sa Sitio Tabay, Brgy. Cansojong laban sa mga suspek matapos makatanggap ng tip hinggil sa talamak na pagbebenta ng mga ito ng droga.
Isang pulis ang tumayong buyer kung saan habang nasa kalagitnaan ng transaksyon ay agad na bumunot ng baril ang mga suspek na agad namang pinaputukan ng mga pulis na nagresulta sa kanilang agarang pagkamatay.