Angkas sa motor patay sa van
MANILA, Philippines — Hindi na umabot ng buhay sa ospital ang backrider na si Robiner Manaois, 39, may-asawa, ng Daang Bato St., Brgy. Lawang Bato,Valenzuela City matapos magulungan ng van kahapon ng madaling araw sa nasabing lungsod.
Isinugod naman sa Valenzuela City Medical Center ang rider ng Yamaha Crypton motorcycle (6344 GO) na si Romulo Catinoy, ng Libis Street, Brgy. Canumay East at ang tsuper ng Kawasaki tricycle (UX 6821) na si Romulo Pendado, 77, ng Bignay, Valenzuela City.
Sa ulat, dakong alas-4:30 ng madaling araw sa East Service Road, Brgy. Canumay East ay binabagtas ng motorsiklo ni Catinoy at isang Fuso Aluminum wing van (CAO-6707) na minamaneho ni Jimmy Marvilla ang nasabing kalsada.
Nang magtangkang mag-overtake ni Catinoy at bumulaga sa kabilang lane ang tricycle na minamaneho ni Pendado dahilan para mabundol ang motorsiklo na pumailalim sa van at nasagasaan sina Catinoy at Manaois.
Ang dalawa ay dinala sa pagamutan ngunit binawian ng buhay si Manaois dahil sa tindi ng pinsala na natamo.
- Latest