Magdiyowa timbog sa buy bust
CAVITE, Philippines — Arestado ng pinagsanib na puwersa ng pulisya at Philippine Drug Enforcement Agency ang magdiyowang nasa High Value Target (HVT) ng pulisya sa isinagawang buy bust ng mga ito kamakalawa ng gabi sa Brgy Paliparan 1, Dasmariñas, Cavite.
Kinilala ni Police Major Romulo Co Dela Rea ang mga suspek na si Edgardo Sarimos Pisman na nasa listahan bilang drug pusher at may information report na dati nang nakulong sa pagtutulak, 52 anyos, residente ng Sitio Niogan, Brgy Paliparan 1.
Kasama ring naaresto ang diyowa ni Sarimos na si Clarissa Lagman, 19 anyos, residente ng Phase 1b, block 48 excess lot Brgy. Acacia, Silang Cavite.
Sinabi ni Dela Rea na nakipag coordinate sila kay Police Supt Nerwin Ricohermoso, hepe ng Dasmariñas City Police, hinggil sa nasa lugar nito nagtago ang kanilang target .
Kasama ang ilang miyembro ng PDEA at sina Col Ricohermoso, isinagawa ang drug bust laban kay Sarimos.
Alas 11:00 ng gabi ikinasa ang buybust sa Brgy. Paliparan 1 kung saan isang SDEU ng GMA police ang tumayong scorer at nakipag-deal sa suspek. Habang nag aabutan ay dito na ito dinakma ng kapulisan kasama ang kanyang dyowa na pinagbitbit nito ng ilang shabu.
Narekober sa mga ito ang may 60.7 grams ng shabu na aabot sa mahigit kumulang sa kalahating milyong pisong halaga. Nakakuha rin ng mga drug paraphernalias at drug money.
- Latest