2 retiradong guro patay sa sunog
MANILA, Philippines — Hindi na nakalabas sa nasusunog nilang bahay ang dalawang retiradong guro sa magkakahiwalay na insidente sa lalawigan ng Pangasinan at Batangas kahapon.
Iniulat ng Pangasinan Police, dakong alas-12:20 ng madaling araw nang masunog ang bahay ni Nora Erfe, 89, ng Brgy. Poblacion, San Fabian, Pangasinan na nagsimula sa silid nito matapos matumba ang kandila sa altar at mabilis kumalat ang apoy.
Narekober ng mga bumbero ang halos hindi na makilalang bangkay ng matanda sa loob ng banyo nang maapula ang apoy dakong ala-1:00 ng madaling araw.
Sa Brgy. Sampaga, Batangas City, dakong alas-2:30 ng madaling araw nang masunog ang bahay ng biktimang si Celering Alday, retiradong guro at hindi na ito nakalabas ng kanyang bahay.
Dakong alas-3:32 ng madaling araw matapos mapatay ang apoy ay narekober ang sunog na katawan ng biktima.
- Latest
