Ginang todas, 2 paslit sugatan sa salpok ng trak
MANILA, Philippines — Isang ginang ang nasawi habang dalawang paslit ang nasugatan matapos na sila ay salpukin ng isang trak na pag-aari ng munisipyo, kamakalawa sa highway ng Sitio Bongsaran, Brgy. Rizal, Gubat, Sorsogon.
Ang ginang na namatay noon din ay nakilalang si Alma Estrada, nasa hustong gulang habang inoobserbahan ang dalawang paslit na sina John Denver Estadilla, 3; at John Rick Abitan, 4, pawang residente ng nasabing barangay.
Ang suspek na nasa kustodiya ng pulisya at kinasuhan ng kaso ay kinilalang si Solomon Entac Andal, 43, utility employee ng Barcelona-LGU at residente ng Brgy.Poblacion Sur, Barcelona.
Sa ulat, dakong alas-4:25 ng hapon ay naglalakad sa bangketa ang tatlong biktima nang sila ay salpukin ng trak na minamaneho ng suspek na noon ay lasing umano sa alak.
Nakita ng ilang saksi ang mabilis na pagdating ng trak sa palikong bahagi ng kalsada at nabangga ang tatlong biktima.
- Latest
