Nag-upload ng ‘Bikoy’ videos, binasahan ng sakdal

MANILA, Philippines — Binasahan nang sakdal kahapon ang akusadong si Ronald Jayme, 27 sa kasong inciting to sediton in relation to the anti-cybercrime law na isinampa sa kanya ng Justice Department matapos na i-upload ang “Bikoy” videos na isinasangkot ang pamilya Duterte sa drug trade.

Naghain ito ng “not guilty plea” sa Parañaque City Regional Trial Court (RTC), Branch 258 sa nasabing kaso na kapag napatunayan ay may parusang  anim hanggang 12 buwang pagkakulong.

Inamin ni Jayme, na siya ang gumawa ng metrobalita.net website, pero itinanggi nito na siya ang nag-upload ng naturang videos.