Rider napisak ng trak

MANILA, Philippines — Idineklarang dead-on-arrival ang isang 29-anyos na lalaki matapos na masagi siya habang minamaneho ang kanyang motorsiklo at nang bumagsak ay nagulungan ang ulo naganap kamakalawa sa national highway ng Brgy. Bulag, Bantay, Ilocos Sur.

Ang nasawi ay kini­lalang si Christopher Divina habang ang suspek na sumuko sa pulisya ay nakilalang si Joseph Abundo, 35, driver ng van.

Batay sa ulat, dakong ala-1:30 ng hapon ay binabagtas ng biktima ang nasabing highway nang magtangkang mag-overtake ang suspek nang masagi ang motorsiklo ng biktima dahilan para ito ay bumagsak at nagulu-ngan ang ulo ng hulihang gulong ng van.

Isinugod ang biktima sa Mariano Marcos Memorial Hospital and Medical Center kung saan ito idineklarang patay.