Laban ng labor groups suportado ni Erap

MANILA, Philippines — Suportado ni Manila Manila Mayor Joseph Estrada ang ipinaglalaban ng mga labor groups kasabay ng pahayag na tutulungan niya ang mga ito para na rin sa  pag-unlad ng bansa.

Ang paniniyak ay ginawa ni Estrada matapos na magpasalamat sa kanya ng personal ang Nagkakaisang Mamumuo sa Suyapa Farm (NAMASUPA) - NAFLU- KMU  dahil sa  pagbibigay ng pagkakataon ng alkalde sa grupo na makapag-rally sa Liwasang Bonifacio ng tatlong buwan upang ipaglaban ang dagdag sahod at benepisyo.

Payapa namang nilisan at bumalik sa kanilang lalawigan ang mga magsasaka matapos na makipagpulong kay Labor Secretary Silvestre Bello III.

Ayon kay Estrada nasa batas na dapat na bigyan ng lugar at pagkakataon ang mga manggagawa na ihayag ang kanilang mga karaingan.