MANILA, Philippines — Sinuportahan ni QC Vice Mayor Joy Belmonte para kumita ang mga kababaihan ng lungsod gamit ang sarili nilang kakayahan sa ilalim ng Shared Service Facility (SSF) Project sa Brgy. Greater Lagro QC.
Sa pakikipagtulungan sa Department of Trade and Industry (DTI) at Samahan ng mga Pilipina para sa Reporma at Kaunlaran (SPARK), nagkaroon ng equipment sharing facility ang mga kababaihang negosyante sa naturang barangay para sa libreng training, product development, at iba pang technical assistance .
Ang programa ay tutulong sa mga kababaihan na makahanap ng paraan ng pagkukunan ng ikabubuhay para sa kanilang mga pamilya.
Ayon kay Belmonte, binigyang diin nito na handa siyang magkaloob ng lahat ng technical skills na kailangan ng mga kababaihan upang magkaroon ng pagkakakitaan para sa kanilang pamilya.
Mahigit 20 unit ng mga makina sa pananahi ang ipagkakaloob sa women micro-entrepreneurs ng Brgy.Greater Lagro kabilang na ang edging machine, round cloth cutting machine, walking foot machine, embroidery sewing machine at iba pa kasama si Congressman Alfred Vargas na nanguna sa proyektong ito.