1,025 loose firearms nakumpiska ng PNP
MANILA, Philippines — Nakumpiska ng PNP ang nasa 1,025 mga armas mula sa 96 pribadong security agencies na ipinahinto na ang operasyon noong 2018 sa pinaigting na crackdown operations laban sa mga loose firearm sa bansa kaugnay ng gaganaping midterm election sa Mayo ng taong ito.
Ayon kay PNP Chief P/Director General Oscar Albayalde, inaasahan namang marami pang mga baril mula sa 356 pang private security agencies na may cease to operate orders ang makukumpiska ng PNP.
Ang pagsamsam ng nasabing mga loose firearms ay bahagi rin ng seguridad na ipinatutupad ng PNP kaugnay ng midterm election sa Mayo ng taong ito upang maiwasan ang pagdanak ng dugo.
Sinabi ni PNP-SOSIA Director P/Chief Supt.Noli Romana na ang mga lisensya ng 96 pribadong mga security agency ay binawi matapos namang mabigo ang mga itong makapagpa-renew ng kanilang mga lisensya para makapag-operate sa kanilang mga negosyo.
- Latest
