3 drug pusher napatay
MANILA, Philippines — Patay sa isang drug buy bust operation ang tatlong lalaki na umano ay drug pusher nang manlaban umano ang mga ito sa mga otoridad kamakalaawa sa Talisay City, Cebu.
Kinilala ang mga napatay na suspek na sina Norberto Larigo; Ryan Mana-ay; at Clifford Garcia Rabago.
Batay sa ulat, dakong alas-2:00 ng madaling araw nang magsagawa ng buy bust operation ang Talisay Police laban sa mga nasabing drug personalities sa Brgy. Tabunoc.
Pagdating sa lugar ay nakatunog ang mga suspek na ang magiging ka-deal nila ay mga pulis kaya’t agad nilang pinaputukan ang mga ito na nauwi sa palitan ng putok na ikinasawi ng mga ito.
Nakuha sa crime scene ang ilang sachet ng shabu, dalawang cal 38 revolver at isang cal. 45 pistol.
Nabatid na ang mga suspek ay pawang notoryus na tulak ng droga at sangkot din sa gun for hire.
- Latest
