Inmate todas sa pag-agaw ng baril
MANILA, Philippines — Hindi na umabot ng buhay sa ospital ang isang inmate matapos umanong agawan nito ng baril ang isang pulis na nagsasagawa ng inspeksyon sa kanilang selda kahapon ng umaga sa Davao City.
Ang inmate na nasawi ay kinilalang si Rico Jay Labong, may kasong homicide at murder.
Batay sa ulat, bago nangyari ang insidente dakong alas-9:15 ng umaga sa loob ng Police Station 3 sa detention cell ng mga lalaki sa Davao City ay nagsasagawa ng pag-iinspeksyon sa nasabing selda ng mga inmate si PO1 Reggie Eleazo nang biglang mang-agaw ng baril si Labong.
Naiputok pa ni Labong ang baril ni Eleazo pero sumablay na kung saan muntik ng tamaan ng bala si SPO3 Richard Dionisio, Chief Investigator na kasalukuyang nagsusuperbisa sa pag-iinspeksyon.
Dahil sa banta ng panganib napilitan si Dionisio na barilin si Labong na isinugod sa pagamutan pero nabigo nang maisalba ang buhay.
- Latest