MANILA, Philippines - Pinagbabaril ng pitong miyembro ng Bangsamoro Islamic Freedom Fighter ang dalawang sundalo na nagbabantay sa bagong gawang Integrated Provincial Health Office, Barangay Limpongo, Datu Hoffer, Maguindanao kamakalawa ng gabi.
Ayon kay 6th Infantry Division spokesperson Col. Dickson Hermoso na itinanggi muna nilang pangalanan ang dalawang sundalong nasawi dahil sa ipapaalam muna nila ito sa pamilya ang nangyari.
Batay sa ulat, dakong alas-8:30 ng gabi ay nakatayo ang mga sundalo sa pinto ng emergency room nang dumating ang pitong rebeldeng Muslim na nagkunwaring kaanak ng mga may sakit na pasyente at agad pinagbabaril ang mga ito.
Nang bumagsak ang mga sundalo ay kinuha sa kanila ng mga suspek ang dalang armas na M-14 at M-16 automatic rifles at mabilis na nagsipagtakas.