MANILA, Philippines - Isang miyembro ng rebeldeng New People’s Army (NPA) ang nasawi habang tatlong kagawad ng Philippine Marines ang nasugatan matapos magkasagupa ang magÂkaÂbilang panig sa GiÂngoog City, Misamis Oriental nitong Sabado ng umaga .
Ayon kay Army’s 4th Infantry Division (ID) Spokesman Major Leo Bongosia, bandang alas-6:40 ng umaga ng mangyari ang pananambang sa tropa ng 3rd Marine Battalion Landing Team (MBÂLT) ng NPA rebels sa Brgy. Lawit ng lungsod na ito.
Ang tropa ng Philippine Marines ay idineploy sa lungÂsod upang mangalaga sa seguridad kaugnay ng gaganaping halalan bukas matapos ang ginawang panaÂnambang ng mga rebelde kay Gingoog City Mayor Ruthie Guingona na ikinasawi ng driver nito at bodyÂguard habang sugatan naman ang alkalde at isa nitong police escort noong nakalipas na Abril 20.
Sinabi ni Bongosia, agad namang pinakilos ni MBLT3 Commnder Lt. Col. Elpidio Factor ang kaniyang mga tauhan na sinagupa ang umaÂatakeng mga rebelde kung saan tumagal ang bakbakan ng mahigit sampung minuto.
Nagsiatras ang mga rebelde matapos na malagasan ng isa nilang kasamahan habang isinugod naman sa pagamutan ang mga nasuÂgatang sundalo.
Narekober sa encounter site ang isang bandoleer na puno ng bala para sa AK 47 rifle at isang backpack.