Transparency sa buwis ng mining firms hiniling
Rosalinda L. Orosa (Pang-masa) - January 26, 2013 - 12:00am

MANILA, Philippines - Ilantad nang buo ang binabayarang buwis ng mga kompanya sa pagmimina upang matiyak ang masinop na paggamit ng mga yamang mineral ng bansa.

Ito ang panawagan ng Extractive Industries Transparency Initiative (EITI), isang koalisyon ng iba’t ibang gobyerno, mga kompanya, civil society groups, investors at mga pandaigdigang organisasyon, sa pamahalaan ng Pilipinas

Ayon kay Atty. Doris Gasgonia, opisyal ng EITI na sa mahinang pamamahala at kakulangan ng transparency ay hindi natatamo ng mga bansang mayaman sa pinagkukunan ang resulta o bunga ng paghuhukay sa kanilang mga yamang mineral at may 18 bansang kasalukuyang tumutugon sa patakaran ng EITI ngunit wala mula sa Asya.

Kandidato ang Indonesia na mapasama sa listahan pero may kukumpletuhin pang pa­ngangailangan at wala ang Pilipinas kahit sa listahan ng mga kandidato.

Sinuportahan naman ni Sagittarius Mines, Inc. (SMI) general mana­ger Mark Williams ang panawagan ng EITI na pandaigdigang istandard sa promosyon ng transparency sa revenue payments mula sa sektor ng resources.

Ang SMI ang kinon­trata ng gobyerno para sa panukalang $5.9 billion Tampakan Copper-Gold Project sa South Cotabato na tinata­yang mag-aambag ng P250 bilyong buwis sa gobyerno sa loob ng 17 taong operasyon na kung maaaprubahan ang proyekto magsisimula ang tatlong taong cons­truction phase nito sa 2015 na mangangaila­ngan ng hanggang 10,000 manggagawa.

 

ASYA DORIS GASGONIA EXTRACTIVE INDUSTRIES TRANSPARENCY INITIATIVE MARK WILLIAMS PILIPINAS SAGITTARIUS MINES SOUTH COTABATO TAMPAKAN COPPER-GOLD PROJECT
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with