MANILA, Philippines — Ang bagong season ng National Capital Region Athletic Association (NCRAA) at ang Go For Gold Race Series ang tatalakayin sa Philippine Sportswriters Association (PSA) Forum ngayon sa conference hall ng Rizal Memorial Sports Complex.
Sasamahan ni NCRAA General Manager Buddy Encarnado si Mary Grace Demetillo ng SDCA-St. Dominique College of Asia sa weekly session para pag-usapan ang parating na 30th season ng collegiate league.
Ilalahad naman nina Go For Gold founder Jeremy Go at coach Ednalyn Hualda ang opening series ng pinakabagong bike race sa bansa ngayong alas-10:30 ng umaga sa public sports program na inihahandog ng San Miguel Corporation, Philippine Sports Commission, Philippine Olympic Committee, MILO, PLDT/Smart at ArenaPlus, ang leading sports entertainment gateway sa bansa.
Ang PSA Forum ay naka-livestream sa PSA Facebook page fb.com/PhilippineSportswriters Association at isinasaere ng delayed basis sa Radyo Pilipinas 2.