Gilas tough challenge
Siyam na araw na lang at sisikad na ang kampanya ng Gilas Pilipinas sa ilalim ni coach Tim Cone sa FIBA Asia Cup qualifiers.
Limitadong preparasyon at ang paglalaro sa ibayong bansa ang kasama sa pagsubok nina Cone at ng kanyang tropa sa kanilang kickoff game kontra Hong Kong sa Tsuen Wan Stadium sa dating British Colony sa Pebruary 22.
Three days later, haharapin naman nina Justin Brownlee at teammates ang Chinese Taipei sa PhilSports Arena sa Pasig.
Pang-apat na koponan sa Group B ang New Zealand. Maglalaban-laban ang mga koponan na ito sa home-and-away format.
Sa anim na laro, kailangan ng Gilas ang Top 2 finish para sa automatic spot sa FIBA Asia Cup proper sa Jeddah, Saudi Arabia sa 2025. Kung kulelat, awtomatikong laglag. At kung pangatlo, dadaan sila sa isa pang qualifying phase.
Matapos tuldukan ang long drought sa Asian Games sa Hangzhou, China last year, kaparehong mithiin ang habol ng Gilas sa Asia Cup.
Panahon pa nina Samboy Lim at Allan Caidic noong 1986 huling nagkampeon ang Team Phl sa tournament na dating kilala sa katawagang Asian Basketball Confederation Championship.
Huling nakatungtong ang Team Phl sa finale noong 2013 sa Manila at 2015 sa Changsha, China.
Matapos yon, lalong bumigat ang Asia Cup dahil sa pagpasok ng Australia at New Zealand.
Dominante ang Australia na kampeon noong 2017 at 2022. At walang dudang team to beat sila sa 2025 sa Jeddah.
Humaharap sa mabigat na hamon ang Gilas.
- Latest
