Randle inakay ang Knicks sa panalo
BOSTON — Sumungkit si Julius Randle ng 37 points kasama ang mga krusyal na free throws para tulungan ang New York Knicks sa 120-117 overtime win sa East-leading na Celtics.
Nagdagdag si Jalen Brunson ng 29 points at 7 assists para sa ikalawang sunod na panalo ng New York (27-23) habang nagdagdag si RJ Barrett ng 19 points kasunod ang 17 markers ni Immanuel Quickley.
Kumolekta si Jayson Tatum ng 35 points at 14 rebounds habang may 22 markers si Jaylen Brown sa panig ng Boston (35-15).
Nagkaroon si Brown ng tsansang ibigay sa Celtics ang abante sa huling 7.6 segundo kundi lamang niya naimintis ang dalawang free throws matapos ibigay ni Randle sa Knicks ang 118-117 bentahe mula sa kanyang dalawang charities.
Sa Houston, tumipa si Darius Garland ng 26 points sa 113-95 paggupo ng Cleveland Cavaliers (30-20) sa Rockets (11-38).
Sa New York, naglista si Saddiq Bey ng 25 points sa 130-122 pagdaig ng Detroit Pistons (13-37) sa Brooklyn Nets (29-19).
Sa Charlotte, kumamada si Terry Rozier ng 28 points at may 21 markers si Mason Plumlee sa 111-96 paggupo sa Hornets (14-36) sa Chicago Bulls (22-26).
Sa Los Angeles, nagpasabog si Paul George ng 35 points habang may 27 markers si Kawhi Leonard sa 138-100 paglunod ng Clippers (27-24) sa San Antonio Spurs (14-35).
- Latest
