Taong 2022 ang ‘coming out year’ ng GAB para sa professional sports
MANILA, Philippines — Patikim pa lang ang pagbabalik ng Philippine sports ngayong taon matapos ang pagluwag ng mga restrictions bunsod ng pandemya para sa mas buong puwersang comeback sa 2023, ayon sa Games and Amusements Board (GAB).
Sa yearend report ng government regulatory body para sa professional sports, halos nakabalik na sa pre-pandemic levels ang aktibidad ng GAB kaugnay sa pagbibigay ng permiso at lisensya sa iba’t ibang events mula sa basketball, volleyball, boxing at ibang contact sports pati na sa umuusbong na Esports.
“It’s really hard to talk about 2022 without taking it to the context of the pandemic. It’s our coming out year for sports and amusements after tumultuous dark years of 2020 and 2021. Now we’re seeing a sharp rise of events in terms of permits and licenses,” ani GAB officer-in-charge at Legal Division chief Atty. Ermar Benitez.
“So, if 2022 is our coming out year, we believe that 2023 is the breakout year back into the normalcy of professional sports and amusements in the Philippines.”
Ngayong 2022 kasi sa gabay ng GAB bilang tagapamahala ng pro sports sa bansa ay sandamakmak na ulit ang napayagan na magdaos ng local at maging international sporting events sa wakas ay pagluwag ng COVID-19 restrictions.
Tampok dito ang record-breaking na bilang ng permits at licenses sa pro basketball matapos umusbong ang mga dagdag na liga sa katauhan ng Pilipinas Super League, Filbasket at Vismin upang samahan ang PBA (3x3 at 5x5), MPBL, NBL at Chooks 3x3.
Kasama rin dito ang Esports, volleyball (PVL), chess (PCAP) at ang mga regional billiard leagues.
- Latest