Gilas women’s markado sa SEAG
MANILA, Philippines — Inaasahan ni Pat Aquino na mapapalaban ng todo ang kanyang mga bataan sa pagsalang ng Philippine women’s team sa 31st Southeast Asian Games na gaganapin sa Cambodia sa susunod na taon.
Ayon kay national team head coach Aquino, markado ang kanyang tropa na pakay sikwatin ang kauna-unahang three-peat sa SEA Games.
Alam ni Aquino na minamatyagan sila ng mga bansang Indonesia, Vietnam, Malaysia at Thailand upang kalsuhan ang pamamayagpag ng Pilipinas sa basketball.
“Yung ibang teams nakikita ko like Indonesia has been recruiting so much, ang Vietnam meron silang twin sisters na galing sa States (Kayleigh and Kaylynne Truong), and Malaysia now has an Australian coach,” sabi ni Aquino sa Philippine Sportswriters Association (PSA) Forum kahapon sa ground floor ng Rizal Memorial Sports Complex. “So we have to be prepared and try to retain that gold for us.”
Parehong tumapos ang Philippines at Indonesia ng 4-1 record sa nakaraang Hanoi SEA Games, subalit dahil sa 93-77 panalo ng Pinays sa Indons ng magharap sila ay iginawad sa Pilipinas ang gold via winner-over-the other rule.
“In preparation for the Southeast Asian Games in Cambodia, we’re really trying to do our best of preparing the team now, that’s why we started (training) early,” ani Aquino.
- Latest
