Fighting Maroons-Blue Eagles sa UAAP Finale?
MANILA, Philippines — Tatangkain ng reigning champion UP Fighting Maroons na maipagpag ang NU Bulldogs sa pagsisimula ng UAAP Season 85 men’s basketball tournament Final Four sa Smart Araneta Coliseum upang makalapit sa misyong madepensahan ang korona nito.
Nakatakda ang banggaan sa alas-2 ng hapon bilang pambugad ng umaatikabong Final Four kasunod ang laban ng Ateneo at Adamson sa alas-6 ng gabi.
Sa alas-11 ng umaga, sisiklab naman ang sagupaan ng six-time reiging champion NU Lady Bulldogs at La Salle Lady Archers para sa kampeonato ng UAAP women’s basketball.
Pero ang hamon at atensyon ng lahat ay nasa Diliman-based squad, na inaasahang masusubukan nang husto kontra sa palabang NU team.
Hawak ang unbeaten streak noong first round, nadale ang Fighting Maroons ng kagat ng Lady Bulldogs para sa unang talo nito, 80-75, bago nakabawi sa 75-63 panalo sa second round.
At bagamat nahulog nang bahagya sa ikalawang puwesto matapos manguna sa halos kabuuang ng eliminations, hawak pa rin ng UP ang bentahe kontra sa NU dahil sa twice-to-beat advantage nito.
- Latest