Alaala ng Gilas sa Philippine Arena
Maglalaro uli ang Gilas Pilipinas sa Philippine Arena para sa sixth window ng FIBA World Cup Asian Qualifiers sa February 2023.
‘Di maiwasan magbalik sa alaala ang isa sa hindi malilimutang rambulan sa kasaysayan ng basketball.
July 2, 2018, kalaban ang Australia, nagpang-abot si RR Pogoy at Australianong si Chris Goulding na naging mitsa ng matinding free-for-all, suntukan, sipaan, batuhan, 13 ejections (9 sa Gilas, 4 sa Aussies) pinakamabigat kay Calvin Abueva na nasuspindi ng 6-games.
Naalala ko lang naman lahat dahil sa nakaraang eksenang ginawa ni John Amores ng Jose Rizal sa kanilang laban kontra sa St. Benilde.
Mas matindi nga lang etong huli dahil one-man show lang ito ni Amores, ‘di tulad ng Gilas vs Australia bench-clearing incident na pati mga crowd nakisalo sa pamamagitan ng pambabato ng mga bote ng mineral water.
Buti na lang wala ang Australia sa line-up ng makakalaban ng Gilas. Lebanon ang haharapin nila sa Feb. 24, 2023 at Jordan sa Feb. 27.
Hopefully, wala nang eksena sa pagkakataong ito. Masyado na tayong sumikat sa unang pangyayari. Huwag na sanang masundan. Sayang naman yung magandang momentum natin coming from wins over Jordan at Saudi Arabia sa nakaraang fifth window para umangat sa 5-3 win-loss record.
- Latest
