Rektahan sa boxing
Dumating pala si Floyd Mayweather Jr., sa bansa pero wala raw itong kinalaman sa inaasam-asam ng lahat na rematch nila ni Manny Pacquiao.
Business trip, ang sabi. May project siya sa Frontrow Philippines.
Pero may plano raw na dinner kay Manny.
Baka naman magugulat na lang tayo, may Pacquiao-Mayweather Part 2 na.
Baka naman rekta na palang nag-usap sina Manny at Floyd para sa kanilang rematch.
Sige, umasa tayo… beke nge nemen.
***
Puwede na rin palang rumekta ang mga Pinoy boxers sa Olympics via Asian Games.
Dati kasi, dumadaan sa mga regional qualifiers at world qualifications, pero ngayon isinama na ang mga continental multisports events tulad ng Asian Games, base sa bagong qualifying system ng International Olympic Committee para sa 2024 Paris Olympics.
Dahil diyan, siguradong mapapalaban ang ating mga boxers na nagte-training na sa Baguio para sa Huangzhou Asian Games sa September 2023.
Puwede nang makadale ang mga Pinoy boxers sa pangunguna nina Tokyo Olympics medalists Carlo Paalam (silver), Nesthy Petecio (silver) at Eumir Felix Marcial (bronze) sa Huangzhou Asiad kaysa dumaan pa sa iba”t ibang mas mahihirap na qualifiers.
- Latest