Creamline mapapalaban sa King Whale
MANILA, Philippines — Mapapalaban ang Open Conference champion Creamline sa foreign guest team King Whale Taipei sa pagpapatuloy ng Premier Volleyball League (PVL) Invitational Conference ngayong hapon sa The Arena sa San Juan City.
Magtutuos ang Cool Smashers at King Whale sa alas-4 ng hapon kung saan puntirya ng Taiwanese squad na maibulsa ang huling tiket sa finals.
Papalo para sa Cool Smashers sina Open Conference MVP at league top scorer Tots Carlos, team captain Alyssa Valdez.
Tatapatan naman ito ng King Whale sa ngalan ni Brazilian import heavy-hitter Bea Carvalho kasama sina Lian Yi-Jen Wang Yu-Wen at Chen Li-Jun.
Kasalukuyang may 2-0 rekord ang King Whale kung saan tinalo rin nito ang PHL Army noong Lunes, 26-24, 25-18, 26-24.
At kung mananaig ang King Whale sa Creamline, awtomatikong makukumpleto ang finalists sa kumperensiyang ito.
Pormal nang nasikwat ng Cool Smashers ang unang silya sa finals dahil sa kanilang matikas na 3-0 baraha.
- Latest
