^

PM Sports

East playoffs kinumpleto ng Washington Wizards

Pang-masa

WASHINGTON — Tuluyan nang sinikwat ng Wizards ang huling playoffs seat sa Eastern Conference matapos ang 142-115 pagpapatalsik sa Indiana Pacers sa kanilang play-in matchup.

Umiskor si Bradley Beal ng 25 points at kumolekta si triple-double king Russell Westbrook ng 18 markers, 15 rebounds at 8 assists para sa pakikipagtuos ng No. 8 Wizards sa No. 1 Philadelphia 76ers sa first-round series.

Nagdagdag rin si Japanese forward Rui Hachimura ng 18 points para sa Washington na nauna nang natalo sa Boston Celtics, 100-118. Ang No. 7 Celtics ang lalaban sa No. 2 Brooklyn Nets sa sarili nilang first-round series.

Ang three-point shot ni Beal ang nagbigay sa Wizards ng 30-point lead, 98-68, sa huling apat na minuto ng third quarter na hindi napaliit ng Pacers.

Binanderahan ni Malcolm Brogdon ang Indiana sa kanyang 25 points at naglista si Domantas Sabonis ng triple-double na 19 points, 11 rebounds at 10 assists bago na-foul out sa kaagahan ng fourth period.

Samantala, pag-aagawan ng Golden State Warriors at ng Memphis Grizzlies ang No. 8 spot sa Western Conference para sa karapatang labanan ang No. 1 Utah Jazz sa first-round playoffs series.

Nakalasap ang Warriors ng 100-103 kabiguan sa nagdedepensang Los Angeles Lakers, inangkin ang No. 7 berth para harapin ang No. 2 Phoenix Suns sa first-round series. Umiskor naman ang Grizzlies ng 100-96 pagsibak sa San Antonio Spurs para ayusin ang kanilang duwelo ng tropa ni Stephen Curry.

EASTERN CONFERENCE

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with