Solid ang team ni Marcial sa Zamboanga

MANILA, Philippines — Kung si MP Promotions chief Sean Gibbons ang tatanungin, wala itong nakikitang problema sa desisyon ni Eumir Marcial na mag-training sa Zamboanga.

Solido ang team na nakakatulong ni Marcial sa Zamboanga sa kanyang paghahanda para sa Tokyo Olympics na idaraos tatlong buwan mula ngayon.

Kasama ni Marcial si coach Gerson Nietes na hiniling niya sa Association of Boxing Alliances in the Philippines (ABAP) na maging personal coach.

Nagpasya rin ang MP Promotions na pabalikin din sa Pilipinas sina International Boxing Fe-deration (IBF) super flyweight champion Jerwin Ancajas, trainer Joven Jimenez at Jonas Sultan para makatulong sa ensayo ni Marcial.

Nasa isang maayos na training facility din si Marcial ang Valiente MLV gym na pag-aari ni Junnie Navarro.

Bukod pa rito ang pagkakataong makasama ni Marcial ang mga mahal nito sa buhay matapos ang ilang buwang pa-nanatili sa Amerika.

Kaya naman para kay Gibbons, walang dahilan para punahin ang desis-yon nitong magsanay sa Zamboanga.

“It’s a team decision that was planned and organized. Jerwin, Joven and Jonas are there to help out so I think it’s perfect,” ani Gibbons.

Bago bumalik sa Pilipinas, sumailalim sa puspusang pagsasanay si Marcial sa Wild Card Gym kasama ang mga beteranong trainers na sina Freddie Roach at Justin Fortune.

Umabot na sa mahigit 500 rounds na ng sparring ang pinagdaanan ni Marcial.