Bagsik ng pagbabalik ni Giannis
ATLANTA — Sa mga numerong inilista ni Giannis Antetokounmpo ay tila hindi nangalawang ang Milwaukee Bucks superstar forward.
Humakot si Anteto-kounmpo ng 15 points, 5 rebounds, 3 steals, 2 assists at 1 block sa kanyang pagbabalik sa lineup para sa 120-109 pagsuwag ng Bucks sa Hawks.
Sa loob ng 25 minutong paglalaro ay tumipa si Antetokounmpo, hindi nakita sa anim na laro dahil sa sumasakit niyang kaliwang tuhod, ng 7-of-12 fieldgoal shooting para sa Milwaukee (35-20).
Binanderahan ni Bogdan Bogdanovic ang Atlanta (30-26) sa kanyang 28 points.
Sa Phoenix, humakot si big man Deandre Ayton ng 26 points at 11 rebounds habang may 23 markers si guard Devin Booker para akayin ang Suns (40-15) sa 122-114 pagsunog sa Sacramento Kings (22-34).
Sa Los Angeles, umiskor si Jaylen Brown ng apat sa kanyang 40 points sa huling minuto para tulungan ang Boston Celtics (30-26) sa 121-113 pagpapatumba sa nagdedepensang Lakers (34-22).
Dumiretso ang Celtics sa kanilang pang-limang dikit na panalo.
Sa Cleveland, humataw si Stephen Curry ng 33 points para pa-ngunahan ang Golden State Warriors (28-28) sa 119-101 pagpapabagsak sa Cleveland Cavaliers (20-35).
- Latest
