SAN FRANCISCO — Tumapos si LeBron James na may triple-double sa kanyang 22 points, 11 assists at 10 rebounds para igiya ang nagdedepensang Los Angeles Lakers sa 128-97 panalo sa Golden State Warriors.
Nagtala si Montrezl Harrell ng 27 points para sa panalo ng Lakers (26-13) sa kanilang season series ng Warriors (20-20).
Pinamunuan ni Stephen Curry ang Golden State sa kanyang 27 points.
Sa New York, kumamada si Kyrie Irving ng 34 points at itinala ni James Harden ang kanyang ika-10 triple-double sa season sa paggiya sa Brooklyn Nets (27-13) sa 117-112 panalo sa Knicks (20-20).
Sa Washington, kumolekta si Giannis Anteto-kounmpo ng 31 points, 15 rebounds at 10 assists para sa kanyang ikatlong sunod na triple-double sa paghatid sa Milwaukee Bucks (25-14) sa 133-122 paggupo sa Wizards (14-24).
Sa Dallas, humataw si Kawhi Leonard ng 22 points para tulungan ang Los Angeles Clippers (26-15) sa 109-99 pagdaig sa Mavericks (20-18).
Sa Denver, ipinoste nig Nikola Jokic ang 32 points at 14 boards para sa kanyang ika-35 double-double sa 121-106 pagwawagi ng Nuggets (23-16) sa Indiana Pacers (17-21).