Whiteside sa Sacramento na

SACRAMENTO -- Pinapirma ng Kings sa isang one-year deal si free agent center Hassan Whiteside.

Humakot si Whiteside ng mga averages na 15.5 points, 13.5 rebounds at league-leading 2.9 blocks para sa Portland Trail Blazers sa nakalipas na season.

Sa San Francisco, matagumpay na sumailalim si Golden State Warriors guard Klay Thompson sa isang surgery sa kanyang torn right Achilles.

Ang surgery, pinamunuan ni Dr. Richard Ferkel sa Los Angeles, ang magpapaupo kay Thompson sa kabuuan ng 2020-21 NBA season.

Nakuha ng 30-anyos na si Thompson ang nasabing injury habang nagpapapawis sa Los Angeles area noong Nobyembre 18.

Sa Boston, pinapirma ng Celtics si All-Star forward Jayson Tatum sa isang five-year $195 million contract.extension.

Binanderahan ni Tatum ang Boston team sa scoring sa nakaraang 2019-2020 season sa kanyang 23.4 points per game mula sa 45 percent shooting.

Sa Indianapolis, pamamahalan ng Indianapolis ang NBA All-Star Weekend sa 2024 na siya sanang punung-abala ng nasabing midseason showcase ngayong 2020-2021 season.