De Los Santos naka-23 ginto na
MANILA, Philippines — Hindi ininda ni world No.1 Orencio James De Los Santos ang masamang pakiramdam para masungkit ang gintong medalya sa men’s seniors individual kata event ng Golden League Karate eTournament Series #3.
Nagawa pa ring mailatag ni De Los Santos ang kanyang world-class performance upang makuha ang ginto sa pamamagitan ng 25.7-24.3 panalo laban kay Alfredo Bustamante ng Amerika sa championship round.
Ito ang ika-23 gintong medalya ni De Los Santos sa online tournaments.
“In the final round, I faces USA. I have to admit that I was feeling under the weather during the finals, but I still performed and ended up winning my 23rd gold,” ani De Los Santos.
Umabante sa finals si De Los Santos matapos patumbahin si Domont Matias Moreno ng Switzerland sa semifinals (25.4-23.9).
Nakakuha ng bye ang Pinoy bet sa quarterfinals.
Para masigurong ligtas, sumailalim agad sa swab test si De Los Santos at masayang ibinalitang negatibo ito sa coronavirus disease (COVID-19).
“I am also glad to say that I was declared negative after my COVID-19 test results came out, given that I was usually out for virtual tournaments and other errands for the past 8 months since the lockdown began,” dagdag ni De Los Santos.
- Latest