Garcia gustong kalabanin si Pacquiao na may live audience
MANILA, Philippines — Isa ang pangalan ni Mexican Mikey Garcia sa mga nababanggit para sa potensyal na makakalaban ni Manny Pacquiao bago matapos ang taon.
Ngunit kung maitatakda ito ay mas gusto ni Garcia (40-1-0, 30 KOs) na gawin ang upakan nila ni Pacquiao (62-7-2, 39 KOs) sa harap ng live audience.
“I think a fight with Manny will have to wait until we can have an audience,” wika ni Garcia. “Whether that is with Matchroom (Boxing) and DAZN or anybody else, I’m willing to negotiate and talk to anybody.”
Bagama’t pinapayagan na ang mga boxing events sa United States ay ipinagbabawal pa rin ang live audience sa gitna ng kinakaharap na coronavirus disease (COVID-19) pandemic.
Hawak ng 41-anyos na si Pacquiao ang World Boxing Association (WBA) welterweight crown, habang dating hari si Garcia sa featherweight, super featherweight, lightweight at light welterweight.
“Manny Pacquiao is the No. 1 fight for me,” ani Garcia. “I think that’s the biggest fight for me, but also for him. I think we can generate the most attention, the bigger audience and the biggest purses.”
- Latest