PSC inilabas ang incentives para sa nationals coaches
MANILA, Philippines – Nakita na ang ngiti sa mga labi ng mga national coaches.
Noong Miyerkules ay sinimulan na ng Philippine Sports Commission ang paglalabas ng mga tseke para sa 182 national coaches.
Halos P45 milyon ang itinabi ng PSC para sa mga coaches na isa sa mga naging dahilan ng paghablot ng mga Pinoy athletes sa overall championship ng nakaraang 30th SEA Games.
Sa ilalim ng Republic Act No. 10699 (National Athletes and Coaches Benefits and Incentives Act), ang mga national coaches na may gold medal finish ay tatanggap ng P150,000.00, ang silver medal finish ay P75,000.00 at ang bronze medal finish ay P30,000.00 sa SEA Games level.
“A coach can only receive his/her incentives upon submission of required certifications and documents,” sabi ni PSC-NSA Affairs Office Head Annie Ruiz.
Nakasaad sa batas na “the incentives for the coaches shall be equivalent to fifty percent (50%) of the cash incentives for gold, silver and bronze medalists.”
Unang nakatanggap ng insentibo ang mga national coaches ng arnis, athletics, beach handball, billiards, bowling, boxing, cycling, dancesports, gymnastics, jiu-jitsu, kickboxing, modern pentathlon, muay, pencak silat, rowing, sailing, sambo, sepak takraw, soft tennis, soft tennis, softball, squash, tennis, taekwondo, weightlifting, windsurfing at wrestling.
- Latest
