Pinangunahan ni B.E.S.T tanker Enkhmend Enkmend ang mga gold medalists sa katatapos na 2020 Tokyo Swimming Winter Championships.
B.E.S.T tankers kumuha ng 18 medalya
Beth Repizo-Meraña (Pang-masa) - February 5, 2020 - 12:00am

MANILA, Philippines — Kabuuang 18 me­dal­ya, kasama ang walong ginto, ang nalangoy ng Phil­ippine B.E.S.T (Behrouz Elite Swim Team) junior squad sa katatapos na 2020 Tokyo Swimming Winter Champion­ships sa St. Mary’s In­ter­national School sa Se­­tagaya, Tokyo, Japan.

Pinamunuan ni Cambodia-based Enkhmend Enkmend ang pananalasa ng koponan sa hinablot na tatlong gold medals.

Nanguna ang 10-an­yos na si Enk­mend sa boy’s 9-10 class 100-meter breaststroke sa bilis na isang minuto at 33.75 segundo.

Naghari rin ang Grade 6 student ng Pan­yathip International School sa Cambodia sa 200m Indi­vidual Medley at 50m breaststroke events.

Hinirang si Enkmend bilang Most Outstanding Swimmer sa boys 9-10 category.

“It’s a huge effort on the part of our young swim­mers with the strict gui­dance of head coach Ros­s­be­­nor Antay and Johnson Maulion as well as de­legation head Marilet Ba­sa,” sabi ni team ma­­­nager Joan Mojdeh. “We are so very proud. Iyon talaga ang target namin na makakuha sila ng ex­pe­rience.”

Kasama ang Philippine B.E.S.T Team sa Phi­lippine Swimming Inc. (PSI) at suportado ng Behrouz Persian Cuisine sa pakikipagtulungan ng Filipino-Japanese Community na pinamumunuan nina Myles Briones-Beltran at Mama Aki Ma­rilyn Mabansag Yokokoj ng Ihawan Shinjuku.

Nagdagdag naman ng dalawang gintong me­dalya si Brendan Viñas, habang may tig-isa sina JahZeel Rosario, Dawn Martina Camacho at Ash­ley Anne Alvarez sa torneo na nilahukan ng 15 club at school teams.

Namayani si Viñas sa boy’s 11-12 class 50m at 100m butterfly, habang na­mahala si Rosario, ang Grade 8 student sa Bristol Integrated School, sa 100m breaststroke.

Humirit din ng ginto si Camacho sa girl’s 11-12 100m butterfly at si Alva­rez sa girl’s 12-13 class 200m butter­fly.

2020 TOKYO SWIMMING WINTER CHAMPION­SHIPS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with