Meralco Lalong nadehado
Kung talagang may tama ang tuhod ni Raymond Almazan, tingin ko ay mamamayagpag ng husto si Japeth Aguilar at malamang na pangunahan ang Barangay Ginebra sa muling pagsungkit ng PBA Governors Cup crown.
Walang dudang malaking kadahilanan si Almazan kaya gumanda ang Ginebra-Meralco matchup.
Pero kung may tama nga si Almazan at makabalik man pero half-healthy, mahihirapan siyang makasabay kay Japeth. At ito ay malaking bentahe sa Ginebra sa nalalabing laro sa serye.
At nariyan pa ang pinagdaraanan ng pamilya ni SMC top boss Ramon S. Ang habang nasa critical na condition ang kanyang isang anak. Siguradong karagdagang dahilan ito upang huwag magpapetik-petik ang mga Gin Kings at ng hindi makadagdag bigat sa dibdib ni Mr. Ang.
Kaya’t tingin ko ay lalong mas dehado ngayon ang Meralco Bolts.
“Our biggest concern is the fact that when Raymond was not around, you saw what happened with Japeth -- pretty much ran wild out there on the court,” ani Meralco coach Norman Black. “What he (Almazan) has done this conference gives us an opportunity to match up the big man of the other teams and without him, we almost had a hole in the middle. We will just try to find a way to camouflage it or try to fix it.”
Kumamada si Aguilar ng 23 points, seven blocks at four rebounds sa kanilang 92-84 panalo noong Linggo na nagbigay sa Gin Kings ng 2-1 lead sa serye.
***
Magsisimula na ang PBA Press Corps ng kanilang deliberasyon para sa kanilang boto sa Best Player of the Conference.
Bandera sa stats race si June Mar Fajardo pero may laban sina Christian Standhardinger at Jayson Castro dahil nadala nila ang kanilang koponan at least sa Final Four. Dehado sa laban ang dalawa pang kandidato na sina CJ Perez at Kiefer Ravena.
- Latest
