NLEX walang balak bitawan ang liderato

MANILA, Philippines — Isa ang NorthPort sa si­nasabi ni NLEX coach Yeng Guiao na susubok sa kanilang tibay.

“We need to preserve our gains by improving our consistency and this game is a big test,” sabi ni Guiao.

Target ng Road Warriors ang kanilang ikaa­nim na sunod na pananalasa sa pagsagupa sa Batang Pier ngayong alas-4:30 ng hapon kasunod ang bak­bakan ng Alaska Aces at Phoenix Fuel Masters sa alas-7 ng gabi sa 2019 PBA Governor’s Cup sa Smart Araneta Coliseum.

Solo ng NLEX ang li­derato bitbit ang 8-1 record, habang hangad ng NorthPort na makaba­ngon mula sa two-game lo­sing skid na naghulog sa kanilang baraha sa 3-6 ka­tabla ang Alaska.

Ang No. 1, 2 3 at 4 teams ang magkakaroon ng ‘twice-to-beat’ advantage sa quarterfinals laban sa magtatapos sa No. 8, 7, 6 at 5.

“Our focus is on exe­cu­tion and trying to get better for the next round,” wi­ka ni Guiao, muling aa­sahan sina import Manny Harris, Kiefer Ravena, JR Quiñahan, Poy Erram at Je­richo Cruz, nagsalba sa 86-85 pagtakas ng Road Warriors sa nagdedepensang Magnolia Hot­shots no­ong Linggo.

Sina reinforcement Mi­chael Qualls, Christian Standhardinger, Sean An­thony, Kevin Ferrer at Garvo Lanete ang ibabandera naman ng Batang Pier ni mentor Pido Jarencio.

Samantala, puntirya na­man ng Alaska ang ka­nilang ikatlong dikit na rat­­sada kontra sa Phoenix para makapasok sa quar­ter­finals.

Ang dalawang sunod na panalo ng Aces ang nag-akyat sa kanilang ba­ra­ha sa 3-6, habang nalag­lag ang Fuel Masters sa 2-7 sa likod ng tatlong di­kit na kamalasan.

“Even if we win the next two games, may kai­­langan pa rin kaming ipag­­dasal na maka-tie. But I told the guys do not come in practice as if we have no chance,” sabi ni Phoenix coach Louie Alas.