Roda sumargo ng silver sa Turkey
MANILA, Philippines — Nasungkit ni Southeast Asian Games-bound Jefrey Roda ang silver medal sa 2019 IBSF Men’s World Snooker Championship sa Antalya, Turkey.
Nakuntento ang 19-anyos na si Roda sa runner-up honors matapos lumasap ng 5-8 kabiguan kay two-time world titlist Mohammad Asif ng Pakistan sa final round.
Umabante sa finals si Roda nang sorpresahin si top seed Pang Jun Xu ng China sa semifinals, 7-3, habang nanaig naman si Asif kay Kritsanut Lertsattayathirn ng Thailand, 7-0, sa hiwalay na semis match.
Kabilang sa mga tinalo ni Roda ay ang kababayang si Alvin Barbero sa first round (4-1), Alijalil Ali ng Iraq sa second round (5-4), Siyavosh Mozayani ng Iran sa third round (5-3) at Kevin Hanssens ng Belgium sa quarterfinals (6-1).
- Latest