Philippine volleybelles sasabak sa PSL Super Cup

MANILA, Philippines — Bilang bahagi ng kanilang paghahanda para sa 30th Southeast Asian (SEA) Games, sasabak ang women’s volleyball national team sa 3-day tournament na Phi-lippine Superliga (PSL) Super Cup.

Apat na tropa, kabilang ang Nationals, dalawang PSL selection team at isang Japanese school based squad ang magsasalpukan sa nasabing torneo na papalo sa Nobyembre 5, 7 at 8.

Ang Team Shine at Team Sparkle ang dalawang PSL selection team na susubok sa kakayahan at galing ng national team at kinatatampukan ng mga bigating manlalaro ng liga.

Mangunguna para sa Team Shine sina Aiza Maizo-Pontillas, MJ Phillips at Denden Lazaro kasama rin sina Rem Palma at Buding Duremdes ng Petron; Fiola Ceballos, Ria Meneses, Patty Orendain, Mean Mendrez at Bia General ng Generika-Ayala; Amanda Villanueva, Eli Soyud at Rebecca Rivera ng Sta. Lucia; at sina Des Clemente, Alex Cabanos at Fritz Galle-nero ng F2 Logistics at si Carl Dimaculangan ng Generika-Ayala ang tatayong head coach nito.

Si Marinerang Pilipina head coach Vilet Ponce-de Leon ang gagabay sa Team Sparkle na pangungunahan nina Alohi Robins-Hardy, Roselyn Doria, May Luna at Ranya Musa ng Cignal; EJ Laure, Jen Reyes, Mina Aganonat Elaine Kasilag ng Foton, Grethcel Soltones, Jerrili Malabanan, Jasmin Nabor at Alyssa Eroa ng PLDT; at sina Judith Abil, Caitlyn Viray, Dimdim Pacres at Nica Gulliman ng Marinerang Pilipina.

Masaya si national team captain Aby Maraño na mayroon ganitong development sa liga dahil nabibigyang pagkakataon ang maging magkakampi ang magkalaban at nabubuo rin ang pagkakaisa ng lahat.

“Natutuwa ako kasi may ganun, kumbaga kahit na galing sa iba’t ibang club team may chance na magkaisa lahat ng players,” sabi ni Marano. “At mata-try nilang maglaro kasama ‘yung ibang players from different club teams.”