Power Hitters pinadapa ang SLR Lady Realtors

MANILA, Philippines — Bumida si Aiko Urdas para tulungan ang PLDT Home Fibr na tul­­dukan ang five-game lo­­sing slump sa bisa ng 20-25, 25-22, 27-25, 25-18 pagpa­pa­tumba sa Sta. Lucia sa Philippine Su­perliga All-Filipino Con­ference ka­hapon sa Mun­tinlupa Sports Center.

Nagrehistro si Urdas ng 20 points sa likod ng 20 attacks, at 12 excellent digs para sa ikatlong pa­nalo ng Power Hitters sa siyam na asignatura sa ilalim ng Cignal HD Spi­kers.

“Sa depensa, iyon ta­laga ‘yung pinakaimpor­tan­teng pina-practice na­­min noong nakaraang araw kasi ‘yun ang wala sa amin. Medyo nagkaka­gu­lo kami sa loob ng court,” sabi ni Urdas.

Ipinagpag ng PLDT ang mabagal nilang si­mula bago umariba pag­pasok ng second set ka­sabay ng pagpaparamdam ni Urdas na nagdala sa kanila sa 24-21 na bentahe laban sa Sta. Lucia ba­go tuluyang selyuhan ang panalo.

Kontrolado ng Power Hitters ang third set at ipi­noste ang 14-7 na bentahe bago nakabangon ang Lady Realtors at itinab­la sa 25-25 ang laban sa li­kod ni Pam Lastimosa.

Ngunit nakatakas pa rin ang PLDT at inangkin ang 2-1 set advantage laban sa Sta. Lucia.

Umariba nang husto si Urdas para sa Power Hitters sa fourth set na nag­pahirap sa depensa ng Lady Realtors.

Patuloy ang pagbagsak ng Lady Realtors sa nalasap na ika-10 sunod na kamalasan.