Bigating imports masisilayan sa PVL Reinforced Conference
MANILA, Philippines — De-kalibreng mga imports ang matutunghayan sa Philippine Volleyball League (PVL) Season 3 Reinforced Conference na bubuksan ng double-header sa linggo.
Anim na koponan sa pangunguna ng reigning champion na Creamline ang magpaparada ng tigalawang import sa tournament na magtatagal hanggang July.
“That’s why we expect exciting games. The teams are more competitive and at par with each other. Every team is a contender,” sabi ni PVL president Ricky Palou na naging panauhin sa Philippine Sportswriters Association (PSA) Forum kahapon sa Amelie Hotel-Manila.
Kinuha ng Creamline si Kuttika Kaewpin ng Thailand at Aleoscar Blanco ng Venezuela; ipaparada ng BPI Globe BanKo sina Lakia Bright ng U.S. at Yasemin Sahin Yildirim ng Turkey; nasa kampo ng BaliPure sina Danijela Dzakovic ng Montenegro at Alexandra Vajdova ng Slovakia; sasandal ang Motolite kina Silva Franco ng Cuba at Edina Selimovic ng Bosnia and Herzegovina; aasahan ng Petro Gazz sina Wilma Salas ng Cuba at Janisa Ivette Johnson ng U.S.; at magiging import ng Pacific Town sina Sutadta Chuewulin at Kannika Tipachot ng Thailand.
Dumalo rin sina Creamline superstar Alyssa Valdez at BPI Globe BanKo open spiker Dzi Gervacio sa lingguhang forum na handog din ng San Miguel Corp., Braska Restaurant, at Philippine Amusement and Gaming Corp. (PAGCOR) kasama si PVL tournament director Tonyboy Liao.
- Latest
