Angat na sa 2-0 ang Portland

PORTLAND, Ore. — Humataw si CJ McCollum ng 33 points, habang nagdagdag si Damian Lillard ng 29 markers para pangunahan ang Trail Blazers sa 114-94 panalo laban sa Oklahoma City Thunder sa Game Two at kunin ang 2-0 lead sa kanilang first-round playoff series.

Nag-ambag si Maurice Harkless ng 14 points at 9 rebounds para sa third-seeded Portland.

Ang Oklahoma City ang host team sa Game 3 sa Biyernes.

“Now we’ve got to go on the road and get gritty,” sabi ni McCollum sa Blazers.

Tumapos naman si Russell Westbrook, itinala ang kanyang pang-siyam na career postseason triple-double sa kabiguan ng Thunder sa Game 1, na may 14 points, 9 rebounds at 11 assists.

Umiskor si Paul George ng 27 points bagama’t may right shoulder injury.

Sa Toronto, nagpasabog si Kawhi Leonard ng 37 points habang nagdagdag si Kyle Lowry ng 22 markers para akayin ang Raptors sa 111-82 paggupo sa Orlando Magic sa Game Two at itabla sa 1-1 ang kanilang Eastern Conference first-round series.

Kumolekta si Pascal Siakam ng 19 points at 10 rebounds para sa Toronto, naglista ng 34-point lead at hindi na nilingon pa ang Orlando.

Pinamunuan ni Aaron Gordon ang Magic mula sa kanyang 20 points kasunod ang 15 at 10 markers nina Terrence Ross at Evan Fournier, ayon sa pagkakasunod.

Sa Denver, humugtot si Jamal Murray ng 21 sa kanyang 24 points sa fourth period para pamunuan ang Nuggets sa 114-105 panalo laban sa San Antonio Spurs at itabla sa 1-1 ang kanilang playoff series.

Kinuha ng San Antonio ang 78-59 kalamangan sa dulo ng third quarter bago bumida si Murray para sa panalo ng Denver.

Nag-ambag si Paul Millsap ng 20 points para sa Nuggets, nakahugot kay Nikola Jokic ng 21 points, 13 rebounds at 8 assists.

Binanderahan naman ni DeMar DeRozan ang Spurs mula sa kanyang 31 points kasunod ang 24 at 17 markers nina LaMarcus Aldridge at Derrick White, ayon sa pagkakasunod.